"Il Pagéli di Crozè in djalètt Pramzàn". Testo pubblicato sulla Gazzetta di Parma del 22 settembre 2008

(Testo solo in dialetto Parmigiano)
(Il Pagéli di Crozè in djalètt Pramzàn)

Grosseto Pärma 1-0

Pavarén sìncov : sul gol sénsa colpa, però al pär sénsa maròlla dal filón ädla schén’na (midollo spinale) deblén anémich, t’ani fàt j’ezàm dal sàngov ? va a magnär col Ghiro ‘na cuälca volta va !

Pegolo séz : almeno al g’ha la mìssa da portér, po’ p’r al rést l’ ha fat col ch’al g’äva da fär

Toast sìncov ; sénsa prinsìppi e sénsa fèn, al n’ ha miga fàt di gran erór, ma in generäl a né ’s sa miga col ‘s faga su

Castlén sìncov : du balón da tirär e fär gòl l’ha sarchè äd fär di cross, la mania äd fär di ghirigori cuand a sarvìssa ésor decìz, concrét ! Lòmo a sämma in serie B sa ‘n t l’è ancòrra capìda

Rossi dù : bravo Marco, t’è pisstè i pè fin’ adésa par zugär, nojätor a t’èmma dè corda, riva al tò momént e a’t fè la siochèssa pù gròsa ch’as pòsa fär ! mah,

Lucaréli picén trì : l’é sémpor con dò märci in meno che l’ avarsäri ch’al g’ha da marcär ! I t’ han vindù sénsa färot prìmma al taljänd, chi genvéz pjoción lì !

Morón sìncov : A’ gh’ l’ha caväda a mèttrot in confuzjòn Cagni con ch’ la formasjón dal prìmm témp, a’t giräv cme p’r al camp cme ‘n òrob sénsa bastón e sénsa càn !

Mariga sìncov : I’ n l’ han ancòrra capìda che chilù a gh’ vól fat fär ädla tecnica e ‘dla tàtica e basta, che con col fìzich lì in forma al gh’è sémpor ? parchè al còrra al còrra mo la conisjón lasämma pèrdor

Parazvén sìncov : n’ätor ch’al pìssta i pè par zugär e po’, al fa meno dàn cuand al sta in banchén’na ! l’é dvintè trìsst

Reginäld zéro : l’ha sbaljè un gol ch’al fäva anca mì, e tùtt par concentrasjón, a’s vèdda che còla lì l’é riserväda a ch’ la ragàsa, e cuand al va in camp l’é sùtt cme ‘na brèssca

Antonéli séz : séns’ ätor l’é stè còl ch’al g’ha mìss pù vlontè, pù grénta, miga un fenòmon però l’impìggn al n’é miga manchè

Papón séz : lasè da lù cme un malè contagjóz la davanti al prìmm témp, povrèt mi sarìss rabì e miga pòch

Lucaréli grand séz : boh, l’impìggn al né manca miga elóra co sucéda ? è fnì la benzina dal tùtt ? a són preocupè, l’é n’an’ ch’al nè va mäj in forma, cuél a gh’é

Paloschi séz : n’assist strepitóz, ch’ a väla la suficénsa da lù, purtròp ala parsón’na zbaljäda, al pròsim gìr fa tut da tì ch’ l’ é méj

Cagni zéro ; Gigén l’é béle tärdi vè ! formasjón dal prìm témp che gnànca mimmodicarlo l’arìss fàt péz ! e pò t’ al dìg sùbbt ch’ an se sbaljämma miga, sta miga contär d’ il bali in conferénsa stampa che chi l’é la còza ch’ a dà pù fastìddi, läsa lì äd tirär fóra dil scùzi e pärla meno ! Patti chiari amicizia lunga !
(Tgnèmmos vìsst)

(Testi di Crociato 63, supervisione ortografica di Enrico Maletti)