Pärma Chievo 2-0
Mirànt sèt : ringrasja la traversa, mo p’r al rést di gran perìccol zéro, però la sensasjón che in-t-la tò area t’ é gh’ cmandi sémpor ti e p’r un portér n’è miga còza da pòch
Zacärd déz : l’acuìsst pù imbrochè äd l’ an’ ( e j’ én stè cuäzi tutt imbrochè ) ; in do t’al mèt al zuga, e al zuga da Dio, in pù un gol meraviljóz e n’entuzjàzom sincér ch’ al s’ goda un bél po’ ! Bravo !
Dellafiore déz : oh, a ’m sa ch’ al sé ciama Hernan, a gh’ éra da savérol con un nom acsì ch’al né podäva che fär bén, a tutt il manéri ‘na gran béla sorpréza
Lucaréli òt : parsonalitè esperjénsa e inteligénsa, ‘na volta äd pù al Lucaréli giùsst ätor che bali
Paci òt : bravo Massimo dòpa un bél perìod a ripòz ‘na béla partìda sénsa erór e sénsa strafär, un cararmè cme tì al s’é catè bén insìmma a col camp lì
Castlén séz : col Luciano lì al t’à tgnù bas jerdlà ah ? T’è fat al tarsén a l’antìga sénsa erór in diféza e còsste chi l’éra l’important !
Galloppa séz : un po’ méj che j’ultmi fésti, adésa a ‘n so miga se andär in Nasjonäla con col là a’t pól gazär ancòrra äd pu o s’ l’ éra méj stär a cà col Don a preparär la partìda con la vjóla
Morón òt : j’én i tò camp ah Capitàn ? Cuand a gh’é da fär ädla féra, da scancrär ti ’t sì sémp’r al prìmm, a són sicur ch’ a ’t si drè gòdor col perìod chi cme nojätor tifóz; ah ch’l’ é vera ?
Dzemaili déz : a dir la vritè al prìmm témp a ’t riväv al séz si e no, invéci al secónd a ’t si stè leteralmént spetacolär, la zugäda dal secónd gol l’é da auténtich fuoriclàsa, vót vèddor che s’ a ‘t vè in forma a ’t si vón äd chi bón dabón ?
Amoruso sèt : un zugadór da Scala, da Bolshoi elegantìssim, rafinè, dil volti fin tròp cuand a gh’ sarìss da drovär la späda, però important par l’esparjénsa ch’ al trasmètta
Bojinov séz : jerdlà al n’ à miga catè al cólp, mo col päl lì l’é stè ‘na penläda cme ja fäva mì cuand a zugäva, insòmma par färla curta un artìssta dal fòtbal cme mì vamolà
Lanzafame déz : che vót a ’s pól där a vón ch’ al vén su e al prìmm balón ch’ al tòcca al sära su la partìda ? Déz oviamént ! Bravo bravìssim, segnäl äd serietè e concentrasjón anca in banchén’na!
Guidolin déz : al solit, Don ! Dai che Barbjàn l’é sémpor pù azvén !
Speaker dù : njénta äd parsonäl, mo pù che al speaker dal Tardini äl pära col äd l’autoscontro di baracón äd San Giusèp ! Sénsa oféza mo col stìl e col spirit dal Tardini al né gh’éntra pròprja njénta ! Zbrajär meno e meno comédia che al tifo al ’s fa in curva miga in consolle
Pùbblich : zéro e déz : zéro a chi è stè a cà, déz a chi à ciapè l’acqua ! Dzì génta, a Firéns a gh’é un scóntor dirét p’r al cuärt pòst, avérol dìt trì méz fa i s’arìsson mandè in-t-i màt : a gh’é 2.500 biljètt, provämma a fnìrja ch’ a gh’é cuìnndoz dì äd témp ? AVANTI CROCIATI
Mirànt sèt : ringrasja la traversa, mo p’r al rést di gran perìccol zéro, però la sensasjón che in-t-la tò area t’ é gh’ cmandi sémpor ti e p’r un portér n’è miga còza da pòch
Zacärd déz : l’acuìsst pù imbrochè äd l’ an’ ( e j’ én stè cuäzi tutt imbrochè ) ; in do t’al mèt al zuga, e al zuga da Dio, in pù un gol meraviljóz e n’entuzjàzom sincér ch’ al s’ goda un bél po’ ! Bravo !
Dellafiore déz : oh, a ’m sa ch’ al sé ciama Hernan, a gh’ éra da savérol con un nom acsì ch’al né podäva che fär bén, a tutt il manéri ‘na gran béla sorpréza
Lucaréli òt : parsonalitè esperjénsa e inteligénsa, ‘na volta äd pù al Lucaréli giùsst ätor che bali
Paci òt : bravo Massimo dòpa un bél perìod a ripòz ‘na béla partìda sénsa erór e sénsa strafär, un cararmè cme tì al s’é catè bén insìmma a col camp lì
Castlén séz : col Luciano lì al t’à tgnù bas jerdlà ah ? T’è fat al tarsén a l’antìga sénsa erór in diféza e còsste chi l’éra l’important !
Galloppa séz : un po’ méj che j’ultmi fésti, adésa a ‘n so miga se andär in Nasjonäla con col là a’t pól gazär ancòrra äd pu o s’ l’ éra méj stär a cà col Don a preparär la partìda con la vjóla
Morón òt : j’én i tò camp ah Capitàn ? Cuand a gh’é da fär ädla féra, da scancrär ti ’t sì sémp’r al prìmm, a són sicur ch’ a ’t si drè gòdor col perìod chi cme nojätor tifóz; ah ch’l’ é vera ?
Dzemaili déz : a dir la vritè al prìmm témp a ’t riväv al séz si e no, invéci al secónd a ’t si stè leteralmént spetacolär, la zugäda dal secónd gol l’é da auténtich fuoriclàsa, vót vèddor che s’ a ‘t vè in forma a ’t si vón äd chi bón dabón ?
Amoruso sèt : un zugadór da Scala, da Bolshoi elegantìssim, rafinè, dil volti fin tròp cuand a gh’ sarìss da drovär la späda, però important par l’esparjénsa ch’ al trasmètta
Bojinov séz : jerdlà al n’ à miga catè al cólp, mo col päl lì l’é stè ‘na penläda cme ja fäva mì cuand a zugäva, insòmma par färla curta un artìssta dal fòtbal cme mì vamolà
Lanzafame déz : che vót a ’s pól där a vón ch’ al vén su e al prìmm balón ch’ al tòcca al sära su la partìda ? Déz oviamént ! Bravo bravìssim, segnäl äd serietè e concentrasjón anca in banchén’na!
Guidolin déz : al solit, Don ! Dai che Barbjàn l’é sémpor pù azvén !
Speaker dù : njénta äd parsonäl, mo pù che al speaker dal Tardini äl pära col äd l’autoscontro di baracón äd San Giusèp ! Sénsa oféza mo col stìl e col spirit dal Tardini al né gh’éntra pròprja njénta ! Zbrajär meno e meno comédia che al tifo al ’s fa in curva miga in consolle
Pùbblich : zéro e déz : zéro a chi è stè a cà, déz a chi à ciapè l’acqua ! Dzì génta, a Firéns a gh’é un scóntor dirét p’r al cuärt pòst, avérol dìt trì méz fa i s’arìsson mandè in-t-i màt : a gh’é 2.500 biljètt, provämma a fnìrja ch’ a gh’é cuìnndoz dì äd témp ? AVANTI CROCIATI
(Tgnèmmos vìsst)
(Pramzàn dal sas)
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento