(Testo solo in dialetto Parmigiano)
Pärma Fiorentén’na 1-1
Mirànt sèt : gran béla paräda su Mutu, la väla al vót parchè Mutu sgnär a Pärma dòpa déz second ch’ l’éra in camp la sarìss städa la còza pù fastidjóza ch’ a ’s podìss immaginär
Zacärd séz : Santana e Marchionni j’én du cliént nojóz, t’ é fat al tò lavor cme sémpor sénsa zburlär tròp mo sénsa gnànca subir un granchè
Lucaréli sèt : béla batalia col Gila, che ràsa äd ravojamént dil volti, a tutt il manéri a né ’t l’é mäj fat tirär in porta e l’é béle un gran sucés
Paci séz : a ’t vój där par därot la scòsa, parchè anca jerdlà a ’t s’ér agitè, pòch trancuìl e pòch luccid, anca s’ as vädda che fizicamént a té gh’ si ecome, l’é la tésta adésa da mèttor cälma
Gobbi cuàtor : dailà mo cme s’ fa a fär un rigor acsì, d’acordi che in area i sé zburlon tutt mo ti ’t päräv Maddoloni al campjón olimpich äd judo a ’t l’é zacuè
Dzemaili sìncov : corsa vlontè cme al sòlit, mo specialmént cuand äd geometra té gh’ si restè da tì, la scuädra in bòlla a ’n t’é gh’ l’é caväda pu a mèttorla
Galloppa séz : a m’al spetäva col cäl fìzich chì, l’é normäl dòpa trej o cuator partìdi cuand s’artórna da n’infortùnni acsì, dai cälma che in cla scuädra chi a ’t sarvìss cme òr colè
Valian sìncov : a m’in dispjäz al sìncov parchè col ragas chi l’é äd sicur vón ch’ a spùda sàngov ogni partìda però al gh’ à avù do volti la posibilitè äd mèttor un compagn in porta in-t-al finäl e par do vòlti i pè ì t’àn tradì ala granda
Palladén sìncov : dal tridént juventén ( guärda tì có ’s tòcca dir ) séns ätor l’é al pu fiach in col momént chi ! Dai lòmo va da l’Olga e fat där un chilo äd caval pìsst tutt i dì che a Pärma l’é bón e ‘l fa bén !
Giovinco séz : purtrop njént äd decizìv, mo al m’é piazù parchè l’à lotè con génta al dòppi che lu sénsa paura, elóra còssta chi l’é la dimostrasjón che mi a gh’ n’ò basta äd väddor ädla génta ch’ l’à lòta e cme mi al pubblich äd Pärma
Amauri déz : un gol da sigla televizìva, ‘na traversa, socuànt zugädi spetacoläri, bé a gh’ n’é basta par därogh un déz, sperämma ch’al continua acsì e magàra ch’al pòsa fär copia con Hernan
Morón séz : narvozìsom, séns’ ätor còl ch’ a sénta äd pu ch’là situasjón chì, dificilìsima dabón
Hernan séz : Hernan, Hernan, a’t gh’ äv al match ball, l’é andè fóra äd du dìd, ciàpja par man tutt e tìrja fóra da ch’ l’ opresjón chì, che ormäj a se zveljämma tutt il nòti tutt sudè… che ch’ l’an’ chi al pär la fotocopia dal 2008….e mi col finäl lì a n’al vój pù rivìvor gnàn p’r insònni.
Marino sìncov : Mìsster, ancòrra ‘na volta i schema mi a n’ j’ò miga vìsst ! Saròja òrob mi ? La vlontè la gh’é städa tùtta, la luciditè, i schema gnàn par burla…… e pò par piazér, stämma miga arvoltär tròp la fritäda ah ? Che chi c’ si i pregiudìssi s’ a ’s vädda il cózi fati da razón a n’ja fa nisón !
Mirànt sèt : gran béla paräda su Mutu, la väla al vót parchè Mutu sgnär a Pärma dòpa déz second ch’ l’éra in camp la sarìss städa la còza pù fastidjóza ch’ a ’s podìss immaginär
Zacärd séz : Santana e Marchionni j’én du cliént nojóz, t’ é fat al tò lavor cme sémpor sénsa zburlär tròp mo sénsa gnànca subir un granchè
Lucaréli sèt : béla batalia col Gila, che ràsa äd ravojamént dil volti, a tutt il manéri a né ’t l’é mäj fat tirär in porta e l’é béle un gran sucés
Paci séz : a ’t vój där par därot la scòsa, parchè anca jerdlà a ’t s’ér agitè, pòch trancuìl e pòch luccid, anca s’ as vädda che fizicamént a té gh’ si ecome, l’é la tésta adésa da mèttor cälma
Gobbi cuàtor : dailà mo cme s’ fa a fär un rigor acsì, d’acordi che in area i sé zburlon tutt mo ti ’t päräv Maddoloni al campjón olimpich äd judo a ’t l’é zacuè
Dzemaili sìncov : corsa vlontè cme al sòlit, mo specialmént cuand äd geometra té gh’ si restè da tì, la scuädra in bòlla a ’n t’é gh’ l’é caväda pu a mèttorla
Galloppa séz : a m’al spetäva col cäl fìzich chì, l’é normäl dòpa trej o cuator partìdi cuand s’artórna da n’infortùnni acsì, dai cälma che in cla scuädra chi a ’t sarvìss cme òr colè
Valian sìncov : a m’in dispjäz al sìncov parchè col ragas chi l’é äd sicur vón ch’ a spùda sàngov ogni partìda però al gh’ à avù do volti la posibilitè äd mèttor un compagn in porta in-t-al finäl e par do vòlti i pè ì t’àn tradì ala granda
Palladén sìncov : dal tridént juventén ( guärda tì có ’s tòcca dir ) séns ätor l’é al pu fiach in col momént chi ! Dai lòmo va da l’Olga e fat där un chilo äd caval pìsst tutt i dì che a Pärma l’é bón e ‘l fa bén !
Giovinco séz : purtrop njént äd decizìv, mo al m’é piazù parchè l’à lotè con génta al dòppi che lu sénsa paura, elóra còssta chi l’é la dimostrasjón che mi a gh’ n’ò basta äd väddor ädla génta ch’ l’à lòta e cme mi al pubblich äd Pärma
Amauri déz : un gol da sigla televizìva, ‘na traversa, socuànt zugädi spetacoläri, bé a gh’ n’é basta par därogh un déz, sperämma ch’al continua acsì e magàra ch’al pòsa fär copia con Hernan
Morón séz : narvozìsom, séns’ ätor còl ch’ a sénta äd pu ch’là situasjón chì, dificilìsima dabón
Hernan séz : Hernan, Hernan, a’t gh’ äv al match ball, l’é andè fóra äd du dìd, ciàpja par man tutt e tìrja fóra da ch’ l’ opresjón chì, che ormäj a se zveljämma tutt il nòti tutt sudè… che ch’ l’an’ chi al pär la fotocopia dal 2008….e mi col finäl lì a n’al vój pù rivìvor gnàn p’r insònni.
Marino sìncov : Mìsster, ancòrra ‘na volta i schema mi a n’ j’ò miga vìsst ! Saròja òrob mi ? La vlontè la gh’é städa tùtta, la luciditè, i schema gnàn par burla…… e pò par piazér, stämma miga arvoltär tròp la fritäda ah ? Che chi c’ si i pregiudìssi s’ a ’s vädda il cózi fati da razón a n’ja fa nisón !
(Pramzàn dal sas)
(Tgnèmmos vìsst)
(Testo di Crociato 63)
(Correzione ortografica a cura di Enrico Maletti)
Post
Nessun commento:
Posta un commento