"Al Condominni" poesia brillante in dialetto parmigiano di Bruno Pedraneschi,letta da Enrico Maletti

Estratto di un minuto del doppiaggio in dialetto parmigiano, realizzato nell'estate del 1996, tratto dal film "Ombre rosse" (1939) di John Ford. La voce di Ringo (John Wayne) è di Enrico Maletti


PARMAINDIALETTO Tv


Tgnèmmos vìsst
Al salùt pramzàn äd parmaindialetto.blogspot.com

“Parmaindialetto” è nato il 31 luglio del 2004. Quest’anno compie 16 anni

“Parmaindialetto” l’é nasù al 31 lùjj dal 2004. St’an’ al compìssa 16 an’

Per comunicare con "Parmaindialetto" e-mail parmaindialetto@gmail.com

L’ UNICA SEDE DI “Parmaindialetto” SI TROVA A PARMA ED E' STATO IDEATO DALLA FAMIGLIA MALETTI DI “PÄRMA”.







giovedì 28 aprile 2011

Tutto pronto alla Corale Verdi per festeggiare il compleanno di “pramzanblog”



Sabato 30 aprile ore 20 cena alla Corale Verdi, “pramzanblog”, di Achille Mezzadri " Pramzàn strajè" a Milano, compie 3 anni.

Un bambino precoce a servizio della nostra città.

TANTI AUGURI !!!


Sàbot 30 avril alj óri 20 sé’nna ala Coräla Verdi, “pramzanblog”, äd Chilén Mezädri "Pramzàn strajè" a Milàn, al compìssa 3 ani. Un putén, ch’al s’fa prìmm dal témp, al sarvìssi ädla nostra citè.

TANTI AVGURI !!!




lunedì 25 aprile 2011

Il Pagéli di Crozè in djalètt Pramzàn, testo pubblicato sulla "Gazzetta di Parma" del 26 aprile 2011















(Testo solo in dialetto Parmigiano)

Udiméz Pärma 0-2

Mirànt òt : dal completén color steward a col color avtosträda al risultät l’é stè compàgn, l’important l’é stè col lì ! Parädi clamorózi gnanca vùnna, mo un pär d’intarvént miga tròp scontè fat in sicurèssa ch’j àn dè fiducia a tùtta la diféza !


Zacärd òt : e anca par Miclón cambiär Mìsster l’é stè cme ciapär ‘na camionäda äd Supradyn, al pär n’ätor, aténti e puntuäl, con ‘na diagonäla da manuäl dal calcio in-t-al momént pu tribulè par la diféza ! Cuand l’é acsì l’é al pu fort difensór italiàn !


Palètta òt : e anca lu l’é tornè ai livél pu ält, al pàs da pantera ròsa, al pär lént e invéci al riva par prìmm insìmma al balón parchè al fa andär fòrt al sarvél

Lucaréli òt : e avanti con la fila d’ òt, cuanti batàljj dì, mäj molè gnanca un centimèttor e parècci zugädi d’esparjénsa par né fär miga di fal inùttil e par né cédor in provocasjón ! Seconda gran partìda in fila, sperämma äd podér dir domenica ch ’v’ én “non c’è il due senza il tre”

Gobbi sèt : al meno in vìssta äd la diféza, però Sanchez ch’al giräva da ch’il pärti cme chi cagnolén picén e nojóz, a t’ gh’è mìss la muzaróla béla strìcca e al n’à miga combinè njént äd bón ansi dopa l’é anca andè a sarcär fortón’na da n’ätra pärta


Valjàn sèt : be, dòpa nóv méz l’é tornè a zugär in-t-al so post e s’é vìsst ! Finalmént oltra a la corsa anca la sostansa, acsì l’é tornè col zugadór important äd l’an pasè


Morón sèt : Capitan sensòs, cuand l’é acsì l’é nojóz cme un sensòs ( par ch’j ätor ), sémpor ardopiär su tutt, e la bala pasäda a col pu zvén a m’arcmand, che i ghirigori i ‘n’én miga roba par ti

Dzemaili sèt : parchè sionò ì dìzon ch’a gh’ l’ò con lu mo n’é miga véra, al fat l’é ch’ l’é strajè cme la póra, al pèrda un sach äd balón e al fa un cazén incredìbbil ! Un pò pu äd trancuilitè e al sarìss un bél zugadór

Modést sèt : cme corsa al m’arcorda Fontolino Fontolan, tutt zmarolè a pära ch’al gh’ àbia il rodéli zvidädi, mo al n’é mäj stràch, sémp’r avanti indrè cme un jojo, séns’ätor a sé gh’ pól dir tutt mo su l’impìggn zò al capél


Giovinco séz : l’ùnnich un pò péz che con l’Inter, certo ch’al paräva un putén dabón in méza a ch’ j omäri äd la diféza äd lilór, tutt scur e gros cme di armäri


Amauri déz e lode : un piazér par j’òc’ väddor la maja crozäda onoräda a ch’la manéra chi da un zugadór ch’ l’é drè dimosträr ‘na serietè e ‘na vója äd fär bén ezemplära ! Purtrop second mi l’é städa zbaljäda la formula dal contrat e st’ an’ ch’ v’én sarà bén difìccil vèddrol con la crozäda adòs, mo la speransa l’é l’ultma a morir


Colomba déz : du indìssi fàni miga ‘na pròva ? Elora a gh’ ämma la próva che insìmma a la nostra banchén’na a gh’é tornè dopa n’an’ n’ätor alenadór ! Con tanta semplicitè e impìggn ! E tutt al rést al vén da lù ! Al Don tachè a cà sòvva con……’na partìda stile Don ! Dìt e fat, la Colomba äd Pasqua con la sorpréza cme in-t l’óv! Bravo Mìsster mo òcio ch’ a gh’é ancòrra da fär ädla lèggna ! Elora avanti acsì a tésta basa !

(Pramzàn dal sas)

(Tgnèmmos vìsst)

Testi di Crociato 63



Correzione ortografica a cura di Enrico Maletti

mercoledì 20 aprile 2011

Da la Compagnia "I Burattini dei Ferrari" riceviamo e pubblichiamo.














La Compagnia I Burattini dei Ferrari


è lieta di invitarVi


in Piazza della Steccata


in collaborazione con il Museo Giordano Ferrari
il castello dei burattini


www.castellodeiburattini.it

Lunedi 25 Aprile 2011 ore 15.00

"LA PROVA”
Atto unico del Ruzante

Vi attendiamo
Daniela & Giordano Ferrari

lunedì 18 aprile 2011

Il Pagéli di Crozè in djalètt Pramzàn, testo pubblicato sulla "Gazzetta di Parma" del 18 aprile 2011










(Testo solo in dialetto Parmigiano)

Pärma Inter 2-0

Mirànt òt : con la majètta color steward a ’n t’è fat pasär nisón, corag’ e concentrasjón, al Mirante äd l’an pasè se Dio vól


Zacärd òt : anca par Miclón ‘na partìda ecesjonäla, diagonäli parféti, esparjénsa al sarvìssi äd la causa e ‘na gran corsa, anca lu trasformè da j’ultom méz


Palètta òt : e Shining l’é artornè a fär paura a j’avarsäri, òcio lòmo che sàbot ch’ vén a t’ gh’arè contra du chì päron bip-bip, e ti a né t’ gh’arè miga da fär cme Will al coyote


Lucaréli òt : có ät tòt dal magnesio, t’è magnè tutt al caval pìsst äd l’Olga ch’ a t’ paräv gnanca còl ch’ à zughè col Bäri e con la Lasjo ? Gran partìda tùtta grénta e cór


Gobbi séz : tarsén con un compagn davanti, la ricéta par färol artornär a ésor un zugadór da fòttbal, adiritùra con ‘na zugäda ala Ronaldinho cuand l’à lancè Modést par l’asjón dal second gol


Candréva zéro : vè bräga bojùda, tàca béle a fär il valìzi che äd fenomeno cme ti a’n sämma miga äd có färsni a Pärma, e a ’m férmi chi parchè d’ésor trop péz a né gh’ n’ò miga vója stavolta


Valjàn déz : al cambi ch’ l’à sarè la partìda, entrè al post giùsst al momént giùsst la so corsa l’à dè al KO a l’Inter, e la so umiltè l’ à dovrìss avér insgnè cuél a Candréva, la dovrìss


Morón séz : Capitàn dil vòlti a t’ pär un film in bianch e nìgor con ch’ il do gambètti da sènnor lì ch’ a t’ fè andär cme dil tròtoli, prìmm témp da incubo, second témp invéci äd gran sostansa e concretèssa ! Però ‘na còza, làssa lì con tùtti ch’il comédi lì ogni vòlta ch’a t’ ciap ‘na zbaräda o ‘na balonäda, parchè a nojätor i né s’ piäzon miga


Dzemaili séz : cme al Capitàn stés andiamo, prìmm témp da Profondo Rosso e second témp pu che discrét, con ‘na gran corsa in-t-al finäl sémpor pront a där l’òmm in pu ai contropè, la seconda partìda bón’na äd l’an dòpa còlla äd Torén


Modést déz : a s’ vädda che cuand a j’ò ditt ch’ l’é méj Pavlén a s’ l’é tòta a mäl, fatto sta che scurtärogh la zona äd competénsa a gh’ fa bén, du assist in-t-i du gol, e ‘na corsa impresjonanta fin in fónda


Giovinco déz : second mi la pu béla partìda äd l’an’, oltre al gol, corsa e sacrifìssi al sarvìssi äd la scuädra, al pòvor Ranocchia l’à fat pu ädna volta la figura dal nàdor pu che ädla rana


Amauri déz : che blèssa väddor un león con tant äd criniera lotär dent’r a ‘na màja crozäda! Cuand l’é acsì motivè l’é un gran brutt càncor par tùtti, e ‘na gioia p’r i so tifóz (Partegiànt) ! Vót un consìli lòmo ? Pärma l’é la citè ideäla par ti, a 30 an’ sta miga andär a sarcär dal frèd p’r al lét da n’ätra pärta !


Colomba déz : l’é bastè butär via al champagne e sturär na botilia d’umiltè, 4-4-2 da scóla calcio, fär spudär j’ultmi energij a l’Inter in-t-al prìmm témp, cambi parfèt al momént giùsst e’ na béla dimostrasjón äd caràtor al putén visjè e permalóz, dòpa vùnndoz méz finalmént a j’ò rivìsst n’alenadór insìmma a la banchén’na dal Pärma, e n’é miga pòch! Di vè, e la soprèza in-t l’óv ( o anca in-t-la colomba ) a gh’ la fämma al Don sàbot ch’ vén ?

(Pramzàn dal sas)

(Tgnèmmos vìsst)

(Testo di Crociato 63)(Correzione ortografica a cura di Enrico Maletti)

venerdì 15 aprile 2011

Torna “Socuànt minùd in djalètt Pramzàn. Su Giovanni Paolo T.V.

(Testo blu in Italiano)

Dopo il successo ottenuto l’anno scorso delle 10 puntate, di “Socuànt minùd in djalètt Pramzàn”, sono cominciate nello studio di “Giovanni Paolo T.V.” le registrazioni di un’altra serie di puntate dello stesso programma versione 2011.


Le puntate andranno in onda come lo scorso anno dalla metà di maggio. Il conduttore è sempre Enrico Maletti, con la collaborazione di Laura Lunardi, Davide Piccinini e Nicola Terramagra, la produzione è di Nicola Gennari.


(Testo giallo dialetto Parmigiano)

Torna “Socuànt minùd in djalètt Pramzàn Dòpa al sucés otgnù l’an’ pasè dil 10 puntädi, äd “Socuànt minùd in djalètt Pramzàn”, è comincè in-t-al stùddi äd “Giovanni Paolo T.V.” il registrasjón ‘d n’ätra sérja äd puntädi dal stés programa versión 2011.


Il puntädi j andran in onda cme l’an’ pasè dala metè äd magg’. Al condutor l’é sémpor Enrico Maletti, con la colaborasjón äd Laura Lunardi, Davide Piccinini e Nicola Terramagra, la produsjón l’é äd Nicola Gennari.

(Pramzàn dal sas)

(Tgnèmmos vìsst)

(Nelle foto. 1) il logo dell'emittente Giovanni Paolo T.V. 2) Enrico Maletti in un momento della registrazione di una puntata.)

Da la Compagnia "I Burattini dei Ferrari" riceviamo e pubblichiamo.


La Compagnia I Burattini dei Ferrari

è lieta di invitarVi al Teatro Museo Giordano Ferrari -

il castello dei burattini via Melloni, 3 - Parma www.castellodeiburattini.it Domenica 17 Aprile 2011 ore 15.30 "


LA FAVOLA DELLE TESTE DI LEGNO”


Storia dell'animazione dalle origini ad oggi in forma teatrale

durata 50 minuti


Vi attendiamo Daniela & Giordano Ferrari -------

lunedì 11 aprile 2011

Il Pagéli di Crozè in djalètt Pramzàn, testo pubblicato sulla "Gazzetta di Parma" del 12 aprile 2011

Bón’na fortón’na Misster Colomba

(Testo solo in dialetto Parmigiano)
Lasjo Pärma 2-0


Mirànt zéro : un pò cme par tutt, da l’an’ pasè a st’an’ a gh’é al Triangolo delle Bermude, a sì sparì tutt cuant, sémp’r in vól e mäj ‘na paräda


Zacärd sìncov : dato ch’ a t’ si un pò méj che la média di tò compagn a t’ fè cuäzi s’santa e s’santa tutt il fésti, cuäzi però, tròp narvóz e tròp confuzjonäri


Palètta zéro : Shining ‘na volta par j’avarsäri ormäj l’é da l’inìssi äd l’an’ che al film äd l’orór a s’al fa väddor a nojätor tutt il volti


Lucaréli zéro : ebé, n’ätor gol fotocopia äd còll col Bäri ? Dato chi m’àn anca propost par la banchén’na, un consìlli t’al vój propria där e cioè äd stär vint mèt’r indrè cuand ch’j ätor i van pu fort, parchè chi a sämma drè sprofondär ah


Gobbi zéro : a vrìss che al sjór Znär al me sugerìssa ch’ la pagéla chì, no parchè a pära ch’ a né s’ pòsa gnanca criticär, cme se al probléma dal Pärma ì fùsson il mé pagéli e miga al mànogh


Dzemaili sénsa vót : mì ‘na cofuzjón acsì a l’ò vìssta soltant a l’esselunga la vgilja äd Nadäl, mo par vón che in teoria al dovrìss ésor al regìssta äd la scuädra a s’ pól capir dòpa parchè la geometria dal zógh l’é sémp’r un optional


Angelo zéro : mòl cme un bodén, ala cicoläta oviamént, adésa ch’ a ’n gh’é miga Hernan a inventär di gol sui so méz cross l’é nòta fonda


Modést zéro : l’ätor ego äd Gobbi insìmma a ch’la fasa lì, a ’n vrìss miga dir, mo in du i ’n fan gnanca méz Pavlén, ala facia äd chi al l’à critichè par trì an’ !! Avérgol adésa Pavlén


Valian cuator : al pu grintóz ädla scuädra, purtrop fóra pozisjón, mo l’é stè l’ùnnich, l’ùnnich a zugär con la mentalitè äd chi gh’ à da salväros


Candréva zéro : Oh tato, chì ch’ sì a ’n sämma miga drè a lotär par la Champions, sa t’ si restè alj intervìssti d’inìssi campjònät, la zvélja a t’ la fagh sonär mì, a sämma a un pónt da l’infäron, mètta via i scarpén da balarén’na e tira fóra la späda ( e anca un cuél d’ätor )


Giovinco du : poca roba, du vót in pu parchè l’é stè l’ùnnich a fär du tir in porta, a tutt il manéri se còsste chi par Pärma a sarìss un lusso, a s’ vädda che par col sjór là a sämma ‘na citè mìssa mäl bombén


Amauri sìncov : ecco col ragas chi invéci al lòta cme un león,criniera compréza, purtrop a né gh’ riva a tir gnanca ‘na preda da sbranär osìa un balón da casär déntor, gnanca vón


Colomba sénsa vót : Mìsster, in trì dì a né gh’ pòs miga där un vót, un pär äd paròli in-t n’orèccia sì però, dato che ormäj a són stè consiljè cme alenadór, la prìmma s’ al cata ancòrra ‘na càsa äd champagne in cantén’na a Colècc’ ch’al la lässa stär che il botìljj ì san tùtti äd turàs, la seconda dato ch’ a ‘n gh’é miga témp äd studjär la scuädra, ch’al faga ‘na telefonäda a Udine al Don par färos dir il pozisjón giùssti äd tutt i zugadór ( äd nascost però da còj ch’ a continua a dir ch’ l’é stè lu a scapär, parchè s’il vénon a savér a gh’ n’in vén ‘na gamba )

(Pramzàn dal sas)

(Tgnèmmos vìsst)

(Testo di Crociato 63)

(Correzione ortografica a cura di Enrico Maletti)

lunedì 4 aprile 2011

Il Pagéli di Crozè in djalètt Pramzàn, testo pubblicato sulla "Gazzetta di Parma" del 5 aprile 2011

Hernan pensogh ti sionò l'é nòta mo nòta dabón



(Testo solo in dialetto Parmigiano)


Parma Bäri 1-2


Mirànt déz : al vót l’é par la majètta, la publicitè äd Bill Gates, la paräva al monitor äd windows cuand a s’ pìa al computer


Zacärd déz : partìda strepitóza, incontenìbbil, avanti indrè isìmma a ch’ la fàsa lì ch’ a t’ paräv in moto ! Ah no scùza a s’éra adrè sognär ‘na partìda äd l’an pasè


Palètta déz : centräl sicurìssim, sémpor precìz su l’òmm e pront a fär ripartìr la scuädra, con Lucaréli ‘na copia ch’ a s’ ricordarämma par d’ j ani


Lucaréli déz : anca lu sicurìssim, velocìssim, specialmént in-t-al finäl con socuant intarvént miracolóz


Gobbi déz : zugadór incontenìbbil, par fortón’na ch’ l’é stè decìz äd där via Pavlén, parchè se Dio vól adésa a vdämma di sentonär äd cross parfét


Angelo déz : partìda straordinäria, i zardinér i gh’ aran da arfär la fàsa parchè l’à bruzè l’erba a forsa d’andär avanti e indrè, sinceramént a ’n capìss miga parchè in nasjonäla braziliana a continua a zugär Maicon e Dani Alves e miga col ragas chi


Morón déz : p’r al capitàn al déz l’é par la vója ch’al gh’ à, mo ch’al capìssa che in méza a cl’armäda Brancaleone chi a ’n pól miga saltär fóra njént äd bón


Modést déz : l’éra dai témp äd Di Chiara ch’ a ’n sé vdäva pu un tarsén con di pè acsì bón, ogni cross l’é un colp äd pnél, al Tardini l’é drè dvintär cme al Louvre


Candreva déz : cualchidón al l’à paragonè a Dino Baggio e Tardéli, si mo indòvva, col ragas chi l’é dézmilla volti pu bón che Tardéli dailà, äd Dino Baggio a né s’ n’in pärla gnan


Amauri déz : oh finalmént un déz dabón, gran gol e ancòrra ‘na volta al pu bón in camp, dzämma l’ecesjón ch’ la conferma la regola äd ‘na stagjón e d’un calciomercato dizastróz


Hernan déz : un déz par la vója, e parchè a so béle che in cla situasjón chi i mandaràn avanti lu a mèttrogh la fàcia davanti a la génta ! Hernan pensogh tì sionò l’é nòta mo nòta dabón


Marino déz : al pu fort alenadór ädla storia dal Pärma, parchè cualchidón al gh’à ancòrra di dùbbi, dal rést a sämma tutt cuant imbariägh con tutt al champagne ch’al s’à fat bévor st’an !


Curva déz : al bandierón col Bagna l’é städa sicuramént la còza pu béla ädla giornäda insèmma ai trimìlla putén anca sa gh’é tochè väddor col spetacol chi e a ’s sa i putén al champagne i n’al bévon miga !


(Pramzan dal sas)


(Tgnèmmos vìsst)


(Testo di Crociato 63) (Correzione ortografica a cura di Enrico Maletti)

30 aprile ore 20, una serata tutta Parmigiana alla Corale Verdi.

BUON COMPLEANNO A

"Pramzanblog"



Per la prenotazione alla cena vai su http://www.pramzanblog.com//

sabato 2 aprile 2011

Presentato in Comune “Un anno d’argento”. 365 modi di vivere la terza età a Parma

(Testo blu in Italiano)


Amicizia creatività, sport, benessere,passioni, cultura e tanto altro ancora da aprile 2011 a marzo 2012. Presentato questa mattina in Comune dal Sindaco Pietro Vignali e da l’assessore Lorenzo Lasagna, il programma “Un anno d’ Argento” che è per gli over 65 che durerà 365 giorni.

Dedicato ai Parmigiani che hanno superato i 65 anni, che desiderano vivere con l’intensità di sempre le relazioni interpersonali nelle mille opportunità sociali che offre la nostra città. A Parma le persone che hanno compiuto 65 anni sono circa 41.000, questa fascia di popolazione a cui si rivolge “Un anno d’Argento”, sono persone attive e dinamiche che vivono una vita intensa fuori e dentro le mura domestiche, queste manifestazioni si rivolgono anche a persone più fragili e con difficoltà legate al sopraggiungere di un’età più avanzata. Questa mattina è stato distribuito il calendario di aprile degli appuntamenti, ed ogni mese verrà consegnato il calendario delle manifestazioni correnti.


Per informazioni, prenotazioni : Infopoint d’Argento presso il DUC Largo Torellode Strada, 1 (Tra Viale Fratti e Viale Mentana) piano – 1 Tel 0521 40521 (centralino Comune Amico) (lun-ven- 9,30-12,30 e 13,30- 17,30: sab 9,00-13,00) http://www.unannodargento.it/


(Testo giallo dialetto Parmigiano)

Prezentè in Cmón “Un anno d’argento”. 365 menéri äd vivor la tèrsa etè a Pärma. Amicisja creativitè, sport, benésor, pasjón, cultura e tant ätor ancòrra da avrìl 2011 a märs 2012. Prezentè stà matén’na in Cmón dal Sìnndich Pietro Vignali e da l’asesor Lorenzo Lasagna, al programa “Un anno d’ Argento” ch’ l’é p’r i over 65 e al durarà 365 gioron.
Dedichè ai Pramzàn ch’ j àn superè i 65 àni, chì volon vivor con l’intensitè äd sémpor il relasjón interparsonäli in-t-il milla oportunitè sociali ch’a ofra la nostra citè. A Pärma il parsón’ni ch’ j àn compì 65 àni j én cuäzi 41.000, cla fasa äd popolasjón chì äd “Un anno d’Argento”, j én parson’ni ativi e dinamichi chì vivon ‘na vìtta inténsa fóra e déntor i mur domestich, il manifestasjón j’ én rivolti anca a parson’n pu fragili e con dificoltè ligädi al rivär äd n’etè pu avansäda. Stà matén’na è stè distribuì al calendäri d’ avril d’ j apontamént, e tutt i méz a srà consgnè al calendäri dil manifestasjón corenti.

P’r informasjón, prenotasjóni: Infopoint d’Argento presso il DUC Largo Torellode Strada, 1 (Tra Viale Fratti e Viale Mentana) piano – 1 Tel 0521 40521 (centralino Comune Amico) (lun-ven- 9,30-12,30 e 13,30- 17,30: sab 9,00-13,00) http://www.unannodargento.it/