La ricéta par fär la tớrta frìtta ala Pramzàna

(Testo giallo dialetto Parmigiano)

Ingredjént :
Sesént gram ‘d farén’na bianca, trì cuciär d’òli d’olìva, säl, acua cälda p’r impastär, dolégh in abondansa.

Preparasjon:

Dispònnor la farén’na a fontana sớra al tavlòt e vudär al céntor dal tavlòt òli, säl e acua cälda, ch’ la va zontäda poch par vòlta, impastär col man fìn tant che la pasta la dvénta morbida e ch’ la spòsa tratär.

Desténdor la pasta fin an spésor äd 2-3 milimèttor e tajärla a lozànghi o rómb, se s’preferìssa ‘na consisténsa pu molzén’na cmé risultät finäl, bizòggna lasärla un po pu älta äd spesór.

Il lozànghi äd pasta i van frìtti sùbbit in-t-al dolégh cäld bombén e putòst ala zvèlta, fati prilär da clètra pärta cuand sòtta j’an ciapè colór. Se la pasta l’an cóza miga sùbbit a vól dir che al dolègh al né miga abasta cäld. Se la pasta la srà städa lavoräda bén, in-t-al frìzzor la s’gonfiarà ala perfesjón.

La tórta frìtta la va gustäda cälda al cólom dal savór, e insèmma a socuànt fètti äd salùmm.
(Testo blu in Italiano)
La ricetta per far la torta fritta alla Parmigiana.

INGREDIENTI
600 grammi di farina bianca, tre cucchiai d'olio d'oliva, sale, acqua calda per impastare, strutto in abbondanza.
PREPARAZIONE:

Disporre la farina a fontana sopra al tavolo e vuotare al centro olio e sale, versare l'acqua calda poco per volta e impastare con le mani fin tanto che la pasta diventa morbida.

Stendere la pasta fino ad uno spessore di 2-3 millimetri e tagliarla a rombi. Se la consistenza della pasta è più morbida lasciare lo spessore più alto.

I ritagli di pasta vanno fritti subito in abbondante strutto caldo fino a che non sono dorati da ambo i lati.
Se la pasta non cuoce subito vuol dire che lo strutto non è abbastanza caldo.

Se la pasta e stata lavorata bene nel friggere si gonfia alla perfezione.
La torta fritta va gustata calda al massimo del sapore con fette di salume nostrano.