"Il Pagéli di Crozè in djalètt Pramzàn". Atalanta - Pärma 0 - 4 Testo pubblicato sulla Gazzetta di Parma del 18 febbraio 2014

 

(Testo in dialetto parmigiano)

Atalanta Pärma 0-4

Mirànt déz : Oh Cezrón, s’ a t’ ciam Marchetti ch’al n’à mìga zughè ‘na partida e mìga Mirànt, l’é n’ofeza al calcio, mo fòrsi a podrìss sucédor ch’ a t’al dìgga anca äd parsón’na da chi a poch

Casàni déz : gran partìda e second témp col turbo ! barbètta dòpa ‘na partida acsì acsì col Catania l’é artornè a crèssor mìga poch

Lucaréli déz : donca Capitàn, da cuand a s’ sèmma consù a Säla e da cuand a v’ sèmma gnù a catär a Colècc’ mi e Riko, a sèmma stè di portafortón’na pù ùnnich che rär, la pù béla stagjón ädla carjéra e record su record ; elóra adésa a t’ fagh ‘na richiésta parchè a s’ la meritèmma : mi a vrìss la tò majètta in regal e Riko còlla äd Palètta; a gh’ pòsja fär cónt ??

Palètta déz : oh là, dòpa la fadìga ch’ j’ò fat domenica indrè ch’ a ’n gh’éra njénta da dir, stavolta a m’ gùssti pagéla par pagéla parchè a gh’ n’é da dir un bél po’! Paletón un pär äd mézi dormidi in méza, p’r al rést partìda parféta e diagonäli da gran centräl ! Cuand a t’ vè a catär fóra di zugadór praticamént a màca che i t’ tìron fóra sèrti prestasjón, bé aplavzi e basta, da fär a metè con Molinär però ah ?

Gargano déz : Topo Gigio al decìdda äd zugär facil facil  e có sucéda ? Ch’ al fa ‘na partìda strepitóza ! ät capì, a basta acsì pòch, semplicitè e a t’ si un medjàn cój barbìz

Acquah déz : cuand a s’ vénsa cuat’r a zéro al màsim di vót par tutt, anca se p’r al morètt chi a gh’ sarìss stè un séz stirasè, ringrasja par ‘na volta l’arbitro parchè t’é rissgè äd lasär la scuädra in déz sul vón a zéro con n’intarvént sénsa la minima conisjón

Paról déz : al Paról dal girón d’andäda e adésa ch’a s’ decìdda i zógh p’r i mondjäl l’é pròprja al momént giusst ! séns ädla pozisjón ecesjonäl, diagonäli prepotenti, pè educhè, gran corsa, témp äd zógh e geometrjj, gran tir ! a t’ò scrìtt al curriculum, a né t’ résta che mandär ‘na mail a Prandéli

Biabiany déz : a livél d’inteligénsa fòrsi la partìda pù béla da cuand l’é a Pärma ! a t’ dìgh la vritè, socuànt volti a m’ són dè di psigòt parchè a m’éra d’avis äd sognär a vèddrot  zugär acsì

Palladén déz : anca Swarowsky al s’é ‘drè artajär al sò spàsi e ‘na stagjón “importante” par dirla cme al Ghìrro ! bräv bräv e ancòrra bräv

Casàn déz : ecco la sréza, ansi la vìssola äd ch’il bón’ni insìmma  la torta e cme digestìv, par ch’j ätor però, parchè cuand al dìz dabón par j’avarsäri l’é pù indigést che l’àj, mo par nojätor l’é un pjazér par j’oc’ e par la clasìfica

Schelòt dèz : enträr sòtta un concèrt äd fìss’c’ e sgnär con rispét ! acsì a s’ fa, ezordi parfét !

Donadón déz : sémpor par via dal cul äd Sàch, mo a s’ sà ch’ a gh’ vól anca còll lì, però Mìsster grandìssim lavór, ala facia äd chi cuàtor siochètt ch’ i gh’ àn avù al coràg’ äd fìs’ciär col Catania! grande Mìsster!

AVANTI CROCIATI

(Tgnèmmos vìsst)

(Testo di Crociato 63)

(Correzione ortografica a cura di Enrico Maletti)