STORNELLATA PARMIGIANA

O rondanén'na bjanca nigra e znéla

ch'a t'gir al mónd par costruìr al ni

par ti che téra éla la pu béla?

parchè la vriss andär a vèddor mi.

Mo l'é Pärma ch' l'é specjäla

pjén'na äd vjóli profumädi

e l'é tanta muzicäla da fär tutt un po' cantär.

In-t-il gróndi cuand a pjóva

l'acua 't fa la serenäda

e in-t-il tòrri traforädi dvénta muzica anca 'l vént.

O lezgnolén ch'a t'gh'é la góla d'òra

indó ät imparè a cantär csì bén

al to gorghègg' da déntor tùtti al fóra

e il copietti alóra i s'fan l'océn.

J'o imparè a stär su 'na pianta

ch' la se spécia in-t-un laghètt

indò gh'è un'izolètta con di ciggn bjanch e morètt.

Tutt il siri là s'sentiva

i béj cant ädla coräla

al me cór picén 'l capiva

che csi sól a s'pól cantär.

musicata da Fernando Rota